فطاير المناسبات
بالجبنه والسوسيس واللانشون والبسطرمه
تنفع للفطار والعشا واعياد الميلاد

المكونات
1 كيلو دقيق
ملعقه كبيره بكنج بودر
نصف كوب زيت ونصف كوب سمن
2 ملعقه كبيره خميره
ملعقه كبيره سكر
ملعقه صغيره ملح
ماء دافي للعجن
2 علبه صغيره زبادي
سمسم حسب الرغبه

الطريقه
جهزي الخميره باذابتها في ماء دافي وسكر واتركيها ترتفع
انخلى الدقيق مع البكنج بودر
ضيفي الملح والسمسم
دوبي الزبادي مع السمن والزيت
وضيفيه للدقيق
وابتدي اعجني بماء دافي وضيفي الخميره حتى الحصول على عجينه ناعمه ومتماسكه
ضيفي ملقتين سمن لمي بيهم العجينه واتركيها تخمر وابتدي شكليها
حسب الشكل في الصور
اتركيها ترتفع تاني وابدأي سوي في فرن متوسط الحراره
وبالف صحه وعافيه

صلصة سريعة وحلوة جدا
كمية طماطم وبصل وتوم وفلفل اخضر
(الطماطم انا مش بحبها بالقشر او البذر انتى بتحبيها تمام
انا بحب انزلها فى مياه تغلى واضربها واصفيها وارجعها على الخﻻط)
دورق الخﻻط...تﻻت اربعه طماطم وبحط بصل كبيرة ارباع وقرنين فلفل اخضر ..واضربهم جامد جدا
وحله فيها زيت ومعلقتين توم يتشوحو انزل بالطماطم اللى فيها البصل والفلفل ...غلوة وواطى عليها تتسبك وسبيها تبرد وعبى اكياس او برطمان فى تﻻجة لاستخدام السريع
حلو جدا للمكرونة و بديل لصلصة البيتزا لو مش عندى بس بضيف زعتر ... للمحشى اللى على غفله ...
بديل للكاتشب رائع وبحبه وافضله وطعمه خطير بحبه جنب البطاطس المحمر صوص